دليلك للتسوق الإلكتروني 1.

بسم الله الرحمن الرحيم. 

أهلًا فيكم بأول تدوينة لي، وحبّيت يكون موضوعها عن أكثر شي كنت أعاني منه أثناء التسوق اون لاين من الفيزا للبريد الأمريكي للمواقع. وكل شي بالتفصيل. 

كبداية راح أتكلم عن الدفع، في طريقتين الدفع بالبطاقة الإئتمانية أو بالباي بال/ paypal 
البطاقة الإئتمانية لها أنواع، وكل بنك يقدم بطاقة خاصة فيه ولها مميزات وعيوب.

اللي بتكلم عنه من واقع تجربة، والشي اللي سهّل لي عملية التسوق الإلكتروني.



البطاقة اللي عندي فيزا تسوق الراجحي. 
و طريقة حصولي عليها كانت أسهل مما كنت أتخيل، أول شي أنا عندي حساب ببنك الراجحي إصدار الفيزا منهم كان أون لاين. عبّيت هذا النموذج بعدها بكم يوم اتصلوا علي واخذوا مني بياناتي، وأخيرًا استلمتها عن طريق فيديكس. 

كل الخطوات هذه اخذت مني تقريبًا أسبوع.  طبعًا في أكثر من طريقة للحصول عليها إما بالهاتف المصرفي أو زيارة فروعهم. 

 ميزة بطاقة تسوق الراجحي تنقبل في أغلب المواقع الأمريكية، وفكرتها انك تشحني البطاقة بالمبلغ المطلوب بعدها تسددي. 

وهذه الميزة تخليها آمنة في حال انسرقت مثلًا، أو كان في دفع آلي او اشتراك وماتبغي تدفعي مثلًا الشهر ذا. 

أول ماتستلمي البطاقة بيجيك طريقة تفعيلها في الورقة اللي معها ويكون عن طريق المباشر للأفراد. 

زي اللي بالصورة. 

هذه صورة للفيزا

أول شي رقم البطاقة وهو اللي بتدخليه في أغلب المواقع وهو الرقم اللي ظاهر عندك. 

ثاني شي تاريخ الإنتهاء برضو من الأشياء اللي ضروري تدخليها في الموقع.
الأسم الأول والأخير ضروري تدخليه زي ماهو في البطاقة.

خلف البطاقة في ثلاث ارقام  تُطلب منك كرمز آمان ويرمز لها cvv

هذه أهم أربع معلومات تطلبها المواقع أثناء عملية كل شراء، وبطاقتك بتنحفظ في الموقع كل اللي عليك تشحنيها بمبلغ وتتسوقي.  

وبالنسبة لpaypal، عن نفسي ماستخدمته إلا مرة وحدة، والفرق بينه وبين الدفع المباشر هو حماية بياناتك خاصة إذا بتتعاملي مع بائعين مو مضمونين. 

مجرد إمتلاكك لبطاقة فيزا، كل الأشياء الباقية بسيطة.


الموضوع الجاي إن شاء الله راح اتكلم عن المواقع اللي تشحن دايركت للسعودية، وكيفية إنشاء بريد أمريكي في حال كان الموقع مايشحن مباشر للسعودية. 

اكتبوا لي في التعليقات عن ايش حابين اتكلم بخصوص التسوق الإلكتروني