دليلك للتسوق الإلكتروني 2.

السلام عليكم ورحمة الله وبركاته.

التدوينة اللي فاتت تكلمت فيها عن طريقة اصدار الفيزا من بنك الراجحي وهي الفيزا اللي عندي.


اليوم راح اتكلم عن طريقة الشراء من المواقع اللي تشحن مباشرة للسعودية عن طريق DHL, ARAMEX, FEDEX, والبريد السعودي. وطريقة الحصول على بريد أمريكي في حال كان الموقع مايشحن للسعودية. 


من المواقع اللي تشحن مباشرة للسعودية: 

• ايهرب شحن مباشرة للسعودية عن طريق DHL سعر الشحن حسب الشحنة 
• أسوس  شحن مباشر للسعودية عن طريق أرامكس سعر الشحن ثابت ٢٠ جنيه مايقارب ١٠٠ ريال، وأيضًا في شحن مجاني عن طريق البريد السعودي بس في تجارب سيئه وشحنات تضيع حسب ماسمعت. 
• اديداس شحن مباشر للسعودية عن طريق ارامكس 
• فكتوريا سيكرت شحن مباشر للسعودية عن طريق ارامكس الشحن يعتمد على الشحنة 
• زويفا موقع ألماني للفرش والمكياج شحن مباشر عن طريق DHL 
• سبورت دايركت شحن مباشر للسعودية عن طريق DHL  
• امازون بعض المتاجر توفر شحن دايركت للسعودية عن طريق ارامكس. 

وغيرها ككثير! 

في مواقع ماتشحن مباشرة للسعودية وتحتاج بريد امريكي زي World ship. shop and ship. MyUS 
طبعًا كل واحد له مميزاته وله عيوبه أنا أستخدم world ship 

مميزاته: تجميع الشحنات، التخلص من الصناديق اللي ممكن تسبب زيادة بالوزن، أخذ صورة للمنتجات أول ماتوصل للبريد، وحلو في حال كنت ابغى ارجع شحنة. 
العيوب وغالبًا كل شركات الشحن نفس العيب اللي هو الشحن غالي غالي لدرجة أحيانًا ممكن يكلف أكثر من قيمة الأغراض نفسها :(
وأحيانًا بعض المواقع ماتقبل بريد ورلد شيب زي موقع سيفورا. 

بالبداية التسجيل بالموقع بالضغط على sign up 

 نختار الباقة من هنا، طبعًا الدفع راح يكون مرة وحدة بس وللأبد. 

باقة basic تنفع للناس اللي مشترياتهم بين فترة وفترة وكمية قليلة. 

باقة plus غالبًا تناسب الفئة اللي عندهم تجارة.

بعد مانختار الفئة المناسبة نضغط next

هنا نكمل بياناتنا. 

أول خانتين بيانات التسجيل في الموقع الإيميل، الباسوورد 

بعدها عنوان الشحن الأسم، العنوان، الدولة، المدينة، الرمز البريدي، رقم الجوال. 

ضروري تكون كلها بيانات صحيحة لأن الشحن بيكون لهذا العنوان 

بعدها save & next

هنا بيانات الفيزا. 

أول خانتين الأسم الأول والأخير زي اللي مكتوب بالبطاقة 

الأيميل ورقم الجوال والعنوان. 

آخر شي رقم البطاقة وتاريخ الإنتهاء و cvv/cvc كود 

نوافق على الشروط وبكذا نكمل التسجيل 

طبعًا ضروري نشحن البطاقة قبل عملية الدفع 24$ تقريبًا حدود 90-95 ريال 
بعد مانخلص ونفعل الحساب، بيصير عندنا بريد امريكي. 

واجهة الموقع بتكون كذا: 

واجهة الموقع.

بالبداية عند رقم 1 هنا العنوان اللي بنكتبه في الموقع، يعني اذا بشتري من موقع مايشحن للسعودية انسخ العنوان هذا وألصقه بالموقع زي ماهو بالمدينة بالولاية بالرقم كل الخمسة خانات.

عند رقم 2: في حال وصلت شحنة للبريد الأمريكي راح تظهر هنا بالتفاصيل

رقم 3: الشحنات الحين موجودة في البريد الأمريكي وانا أبغى اشحنها للسعودية ، أحط انشاء طلب جديد وأحدد الشحنة اللي ابغى اشحنها، أو حتى أكثر من شحنة. وأختار شركة الشحن. 

بعدها بيوم تقريبًا أو أقل يرسلوا لي ايميل بقيمة الشحن وبعد ماسدد قيمته ب ٢٤ ساعة تنشحن للسعودية. ونقدر نتتبعها عن طريق موقع شركة الشحن المُختارة. 

  

كثرة الكلام تحسسك أن كل شي صعب، بس بعد أول عملية شراء بيصير كأنه لعب من سهولته.
 أي استفسار عن أي موقع ممكن تتركوه لي في التعليقات.